සතිමත් බව පුහුණු කරවන්නන් සඳහා වැඩසටහන

• මේ පුහුණු පාඨමාලාවේ අරමුණ වන්නේ සියලුම ගුරුවරුන්ට සහ දරුවන්ට (ශ්‍රේණිය හා විෂය නොතකා) සතිය උගැන්විය යුතු බවත් සතිමත් බව ක්‍රියාවේ යෙදවීමෙහි සරල බව සහ එහි අගය ඔවුන්ට වටහාදීමත්ය.

• මෙහිදී උගන්වනු ලබන්නේ සති මාත්‍රය හුදෙක්ම නිවාරණ උපායක් ලෙසිනි. (වෙදකමකට වඩා හෙදකමක් ලෙසය)

• ගුරුවරුන්ට සහ ශිෂ්‍යයින්ට උගැන්වීමට පෙර සතිමත් බව පුහුණු කිරීමත් ඒ අත්දැකීම වටහාගැනීමත් මෙහිදී අවධාරණය කළ යුත්තේය.

• සැසිවාර 1 සිට 8 දක්වා (ඒකක 4 මුළුල්ලේම) උගන්වනු ලබන්නේ එකම පුහුණුව නැවත නැවතත් කිරීම මගින් සිදු වන ක්‍රමික විකාශයකි.

• සති පාසල පොතෙහි අන්තර්ගත ලිපි මත සැසිවාර 8 ම පදනම් වී ඇත. මෙම සැසිවාර පටිගත කොට පරිශීලනය සඳහා ජාතික අධ්‍යාපන ආයතනයෙහි සති පාසල වෙබ් පිටුවෙහි සහ සමාජ මාධ්‍ය අඩවිවල පළ කරනු ලැබේ.

• සෑම පුහුණු සැසිවාරයක්ම මෙහෙයවීමකින් යුතු වූ සතිමත් පුහුණුවකින් ආරම්භ වේ;අවසන් වේ.

• සතිමත් බව වැදගත් ඇයි ? එය ගුරුවරුන්ට, අධ්‍යාපනඥයින්ට සහ සිසුන්ට උපකාරවත් වන්නේ කෙසේද? එය පාසලට - ආධ්‍යාපනික වශයෙන් හෝ වෙනත් අතින් - වැදගත් වන්නේ කෙසේද? එය මුළු රටටම ප්‍රයෝජනවත් වන්නේ කෙසේද?

• හැම කෙනකු තුළම සහජයෙන්ම සතිමත් බව පවතියි. ක්‍රමික පුහුණුව මගින් අපි ඒ සහජ කුසලතාව මතු කරගෙන දියුණු කරමු; පෝෂණය කරමු.

• මාංශ පේශි වර්ධනය කරගැනීම සඳහා ව්‍යායාම් ශාලාවකට(Gym) යන්නාක් මෙන් සතිමත් බව පුහුණු කිරීම හරහා අපි අපේ “මානසික පේශි” වර්ධනය කරගනිමු.

• වියපත් වන තුරු නොසිට ළාබාල වියේම සති මාත්‍රය ඉගෙනගෙන පවුලේ අය සහ මිත්‍රයින් දැනුවත් කිරීම වැදගත් වන්නේ ඇයි?

• මේවා පුහුණු කරන්න: වාඩි වී ඉන්නා ඉරියව්වේදී ‘දැන් මෙතැන’ හෝ ‘මම - දැන් - මෙතැන’.

• සතිමත් ඇවිදීම යනු කුමක්ද? සතිමත් ඇවිදීම වැදගත් වන්නේ ඇයි?මෙය ඉගෙනගැනීමේ වාසිය කුමක්ද?

• සිතුවිලි සහ හැඟීම් ගැන සාමාන්‍යයෙන් දැනුවත් වීම. ප්‍රසන්න සහ අප්‍රසන්න සිදුවීම් සතිමත්ව අත්දැකීම. අප්‍රසන්න සිදුවීම්වලදී ඉබ්බකු මෙන් අඬු හකුළාගැනීම.

• “සෙමින්, සතිමත්ව, නිශ්ශබ්දව” (Slowly Mindfully Silently – SMS) යන සංකල්පය හඳුන්වා දීම.

 සති පාසල පොත - 1 සතිය (ලිපි 5) 

 සති පාසල ගුරු අත්පොත - දෙවන පරිච්ඡේදය (සතිය නිර්වචනය) 

 සති පාසල ගුරු අත්පොත - තුන්වන පරිච්ඡේදය (සතියේ ලක්ෂණ)